Glam Nepal

पछिल्लो समय नेपाली चलचित्रमा नव नायिकाको आगमन ब्यापक बढेको छ । यसैक्रममा चलचित्र दशगजा बाट रुपा खनालले नव नायिकाको रुपमा नेपाली सिनेबृत्तमा डेब्यू गरेकी छिन । जेटिएको अध्ययन पुरा गरेर उनी कृषि सेवामा लागिनन् । बरु सिनेमाको रंगिन दुनियाँमा आईन । चलचित्र दशगजामा नेपाली चेलीले मुम्बईमा भोगेको पीडालाई उनले दर्दनाक रुपमा प्रस्तुत गरेकी छिन् । म नेपाली चेली हुँ यो नर्कबाट मुक्त भएर नेपाली भूमिमा मर्न चाहन्छु । ९ बैशाखबाट रिलिज हुन लागेको दशगजामा उनले बोलेको यो संवाद र गरेको अभिनय साच्चै दर्दनाक छ । उनीद्धारा अभिनित दोस्रो चलचित्र श्रीमान पनि नयाँ वर्षकै अवसर पारेर रिलिज गरिदैछ । जसमा उनी मुख्य भूमिकामा छिन् । श्रीमानमा अहिलेका धनाढ्य पुरुषको शौखिन श्रीमतीको भूमिका उनले निर्वाह गरेकी छिन् । नेपाली सिनेमा समय अनुसार परिवर्तन हुने पनि यी नायिकाको मान्यता छ । दिनेश कार्कीद्धारा निर्देशित नयाँ चलचित्र सन्त्रासको छायांकनलागी नेपालगन्ज जाने तयारीमा रहेकी रुपाले भनिन-भोली सुटिङ्ग छ । आज सपिङ्ग गर्नुछ । बाबु बलामीद्धारा निर्मित निर्देशित नयाँ चलचित्रमा समेत काम गर्न लागेकी उनी नेपाली चलचित्रमा स्...

‘सुन सुन सासु, आँखाभरी आँसु, मम चिकेन मासु, मैले पनि खाछु…’ उनी हरेक पटक यो र्‍याप गीत गाउँछिन् । अनी र्‍याप शैली मै बोलेर दर्शकलाई हसाउँछिन् । हाँस्य टेलीसिरिलय झयाईँकुटी-झयाईँकी हाँस्य अभिनेत्री लभ्लीलाई सबैले र्‍यापर आर्टिस्टको रुपमा चिन्छन् । झयाईँकुटी झयाँईकी लभ्लीको बास्तबिक नाम भने सँगम राई हो । उदयपुर, गाईघाटकी सँगमले आफ्नो फिल्मी करिअर भोजपुरी सिनेमाबाट गरेकी हुन् । उनकी आमाको पट्नामा फिल्म निर्माण कम्पनी छ । त्यसैले उनलाई भोजपुरी फिल्ममा नायिका बन्न गाह्रो भएन । लभ्ली चलचित्र मार्फत पृथक रोलमा प्रस्तुत हुने दाउमा छिन् । उनलाई आइलभयू भन्नेहरु धेरै छन् । त्यस्तालाई मुखले आईलभयू टु भनेपनि प्रेम भने आफैंलाई गर्ने गरेको पनि सँगमले स्पष्ट पारिन् । भविष्यमा आफ्नै लगानीमा फिल्म बनाउने सपना साँचेकीसँगम राई तेक्वान्दोको ब्लाक बेल्ट हुन् । आधा दर्जन निर्देशकको म्युजिक भिडियो खेलीसकेकी लभ्लीको एउटै सपना छ । त्यो हो नेपाली फिल्मको सफल नायिका बनेरै छाड्ने ।

गोलो मुहार । कोरियन कट हेयर स्टाईल । अनि जिरो फिगरको जिउडाल । नवोदित नायिका अपेक्षा सिग्देलको परिचय हो यो । सिन्धुपाल्चोक बाँसबारी-८ की यी किशोरी भरखरै १८ औं बसन्तमा यात्रारत छिन् ।  यो उमेरमा मोडलिङ र कलाकारिता दुबैमा अगाडि बढ्दै छिन् उनी । गायिका सोनिका लामाको त्यो डाँडाबाट नहेर कान्छा...गीतको म्युजिक भिडियाबाट गत वर्ष उनले मोडलिङमा डेब्यु गरेकी हुन् । यो एक वर्षमा अपेक्षा टेली फिल्म उज्यालो बाटो, साईनो कस्तो कस्तोकी नायिका बनिन् । सानो पर्दाबाट फड्को मारि सकेकी छिन यी किशोरीले । राम जनक निर्देशित चलचित्र 'तिमी बिना म बाँच्न सक्दिन'मा मुख्य नायिकाको रुपमा अब चाँडै यिनलाई देख्न पाईन्छ । चलचित्रमा अभियन गराईदिने नाममा यौन शोषण गरिने कथा नसुनेकी हैनन् अपेक्षाले । त्यसलाई शारीरिक शोषणको दर्जा दिँदै भन्छिन्,'सिनेमामा काम गर्दा कसैसँग मन मिलेर सम्बन्ध हुनु फरक कुरा हो । तर नायिका बनाउँछु भनेर यौन शोषण गर्नु राम्रो हैन ।' जसलाई रोज्छु, उहीसँग जीवन बिताउँछु भन्छिन अपेक्षा ।